Министр Улукбек Кочкоров Баткен облусунун калкы менен жолугушууга барды

Иш сапардын алкагында  Улукбек Кочкоров Кадамжай, Лейлек, Баткен райондорунун, Кызыл-Кыя, Сүлүктү, Баткен шаарларынын калкы менен жолугушту. Жергиликтүү эл министрге өз көйгөйлөрү боюнча суроолорун берип, жооп алышты.

"2019-жылдын 1-январынан тарта ден соолугунун мүмкүнчүлүгү чектелген, дайым кароого муктаж 18 жашка чейинки балдарын карагандарга мамлекет айлык төлөп баштады. Бул долбоор алгачкы жолу ишке ашып жатат, келечекте мамлекеттин мүмкүнчүлүгүнө жараша дагы өзгөрүлөр болот",-деди У.Кочкоров.

Мындан тышкары министр аз камсыз болгон үй бүлөөлөргө берилүүчү жөлөк пулдун даректүү жетүүсү жөнүндө иш жүрүп жатканына токтолду.

Кыргызча

КРнын Эмгек жана социалдык өнүгүү министрлиги ишемби 29 декабрь дем алыш күнү, ал эми дүйшөмдү 31 декабрь иш күнү экенин маалымдайт

Кыргыз Республикасынын Эмгек жана социалдык өнүгүү министрлиги ишемби 29 декабрь дем алыш күнү, ал эми дүйшөмдү 31 декабрь иш күнү экенин маалымдайт.

Муну менен бирге Министрлик Кыргыз Республикасынын Премьер-министри Мухаммедкалый Абылгазиев 2018-жылдын 24 декабырында “Дем алыш күндөрүн которуу жөнүндө” №604 токтомуна кол койгондугу тууралуу эске салат.

Тактап айтканда, Кыргыз Республикасынын Өкмөтүнүн «2019-жылкы дем алыш күндөрүн которуу жөнүндө» токтомуна ылайык, жарандар 2019-жылдын 1, 2, 3, 4, 5, 6 жана 7-январында, ошондой эле 9, 10, 11 жана 12-майында эс алышат.

Белгилесек, документке ылайык, 25-февралдагы дем алыш күнү 2-январдагы жумушчу күнгө, 8-апрелдеги дем алыш күнү 3-январдагы жумушчу күнгө, 2-сентябрдагы дем алыш күнү 4-январдагы жумушчу күнгө, 6-майдагы дем алыш күнү (5-май дем алыш күнгө туш келгендиктен, эс алуу күнү катары саналат) 10-майдагы жумушчу күнгө которулууда.

Ушул токтомго ылайык Кыргыз Республикасынын Өкмөтүнүн 2018-жылдын 28-февралындагы №117 токтомунун 1 жана 2 – пункттарынын алтынчы абзацы күчүн жоготту деп эсептелинет.

Кыргызча

Көк-Жар кичи районунда жайгашкан №88 орто мектебинде Азиздер жана дүлөйлөр коомунун балдарына арналган майрам өткөрүлдү

Көк-Жар кичи районунда жайгашкан №88 орто мектебинде Азиздер жана дүлөйлөр коомунун балдарына арналган майрам өткөрүлдү.

Жаңы жылдык балатыда 200гө жакын балдар Эмгек жана социалдык өнүгүү министринин орун басарынын колунан таттуу белектерди алышты.

Иш-чара Азиздер жана дүлөйлөр коомунун жана “Экинчи көрүнүш” Коомдук бирикменин мүчөлөрү менен уюштурулган.

Кыргызча

Министр Улукбек Кочкоров Манас районунун эли менен жолугушту

Бүгүн, 22-декабрда Эмгек жана социалдык өнүгүү министри Улукбек Кочкоров Талас облусунун Манас районунун эли менен жолугушуп, социалдык көйгөйлөрдү талкуулап, калктын суроолоруна жооп берди.

Манас районунун, Кайыңды айылынын тургуну Кубат Жөнөтбаев, дайым кароого муктаж майыптыгы бар баланын камкорчусуна берилүүчү айлык тууралуу суроо берди.

Кыргызча

“Өнүгүү” балдар борбору Коомдук бирикмесинде 60 ден соолугунун мүмкүнчүлүгү чектелген балдарга жаңы жылдык майрам уюштурулду

“Өнүгүү” балдар борбору Коомдук бирикмесинде 60 ден соолугунун мүмкүнчүлүгү чектелген балдарга жаңы жылдык майрам уюштурулду.

Аталган борбор 2016-жылы ар кандай ооруга чалдыккан ата-энелердин күчү менен түзүлгөн.   

Борбор өз ишинде ден соолугунун мүмкүнчүлүгү чектелген балдарды заманбап жана квалификациялуу педагогикалык түзөтүү жардамдарын алууга шарт түзүп, ошондой эле үй-бүлөлөргө колдоо көрсөтүү менен бирге өз балдарынын максималдуу эффективдүү өнүгүүсү үчүн окутууларды уюштуруп турат.

Иш-чарада Эмгек жана социалдык өнүгүү министринин орун басары Жаныл Алыбаева Министрликтин атынан балдарды келе жаткан Жаңы жыл менен куттуктап, таттуу белектерди тапшырды.

Кыргызча

А.Умуралиев атындагы Бишкек шаардык драма театрында Кыргыз Республикасынын майыптар коомунун мүчөлөрүнүн балдарына театралдык спектакль коюлду

А.Умуралиев атындагы Бишкек шаардык драма театрында Кыргыз Республикасынын майыптар коомунун мүчөлөрүнүн балдарына театралдык спектакль коюлду.

Аталган иш-чараны Коомдун жетекчиси Шукурбек Кучкачов уюштуруп, ага 200 бала чакырылган.

Эмгек жана социалдык өнүгүү министрликтин атынан министрдин орун басары Жаныл Алыбаева бардык балдарга таттуу белектерди тапшырды.  

Кыргызча

Министр Улукбек Кочкоров иш сапары менен Талас облусунда жүрөт

Бүгүн, 21-декабрда Эмгек жана социалдык өнүгүү министри Улукбек Кочкоров Талас облусундагы иш сапарынын алкагында, райондордун эли жана жергиликтүү кызматкерлер менен жолугушуусун баштады.

Кыргызча

Токмоктогу №2 психоневрологиялык социалдык стационардык мекемесинде 50 орундук имарат ишке берилди

Токмоктогу №2 психоневрологиялык социалдык стационардык мекемесинде 50 орундук имарат ишке берилди.
Учурда Токмоктогу №2  психоневрологиялык социалдык стационардык мекемеде 196 өзүн-өзү камсыз кыла албаган өтө оор абалдагы шал оорусу менен ооруган ден соолугунун мүмкүнчүлүгү чектелген адамдар мамлекеттин камкордугуна алынган. 

Кечээ, 16-декабрда аталган мекемеде 50 орундук жаңы имараттын курулуш иши аяктап, колдонууга берилди.

Иш чарага КРнын Эмгек жана социалдык өнүгүү министри Улукбек Кочкоров жана курулуштун демөөрчүсү   "Ас Сафа" кайрымдуулук фондунун өкүлү Мухаммад  Абдуррохман Аль Шайа катышты. 

Токмок психоневрологиялык социалдык стационардык мекемесинин имараттары 1930-жылы курулуп,  убагында аскердик оорукана болгон. Имараттын эскилигине байланыштуу министрлик жаңылоо боюнча демөөрчүлөрдү тартып, бир топ алгылыктуу иштерди алып барып жатат. 

50 орундуу имарат "Ас Сафа" фонду тарабынан толук курулуп, керектүү эмерек жабдыктар менен камсыздандырылды. 

Ачылыш аземинде, Эмгек жана социалдык өнүгүү министри Улукбек Кочкоров кайрымдуулук фондунун өкүлдөрүнө ыраазычылык сөзүн айтты:

Кыргызча

Кыргыз Республикасынын Эмгек жана социалдык өнүгүү министрлигинин экс-жетекчилеринин Кеңеши түзүлдү

Кыргыз Республикасынын Эмгек жана социалдык өнүгүү министрлигинин экс-жетекчилеринин Кеңеши түзүлдү.

Кеңеш Кыргыз Республикасынын Эмгек жана социалдык өнүгүү министрлиги мурдагы экс-жетекчилер менен бирге иш-чараларды жүзөгө ашырууга байланышкан натыйжалуу кызматташууну камсыз кылуу, эмгек маселелерин, калкты иш менен камсыз кылууга көмөк көрсөтүү, социалдык коргоо, анын ичинде жарандардын социалдык жактан корголбогон категорияларына социалдык кызматтарды өнүктүрүү, ошондой эле үй-бүлөлөргө жана гендердик теңчиликти өнүктүрүү боюнча маселелерин кароо максатында түзүлдү.

Кеңештин курамына төмөнкү экс-жетекчилер кирди:

  1. Абдуллаева Уктомхан Авазовна
  2. Акназарова Роза Корчубековна
  3. Базарбаев Кудайберген Базарбаевич
  4. Джангарачева Мира Камилевна
  5. Исакунова Таалайгуль Базаркуловна
  6. Мамасалиев Дуйшонали Мамасалиевич
  7. Орозова Карамат Бабашевна
  8. Проненко Алевтина Павловна
  9. Рысалиев Иманкадыр Зарлыкович
  10. Рыскулова Айгуль Маратбековна
  11. Сабиров Равшан Азатович
  12. Султанов Кылычбек Камчыевич
  13. Ташпаева Назгуль Аскеровна
  14. Хакимов Зафар Хайтбаевич
  15. Хорошман Екатерина Геннадьевна

 

 

Кыргызча

Pages